لۇغەتنى كۆرۈش: ھ

ھەززال — ھەزىلچى ، مازاقچى ، قىزىقچى ؛
ھەززى شافي — كۆپ بەھرە ، يېتەرلىك بەھرە ؛
ھەزل — چاقچاق ، كۈلكەلىك گەپ (ئىش ) ، لەتىپە ، قىزىقچىلىق ؛ مازاق ،مەسخىرە؛
ھەزلىييات — كۈلكەلىك گەپلەر ، لەتىپىلەر ، قىزىقچىلىقلار ؛ مازاقلار؛
ھەزم — ئېھتىياتچانلىق ، ئويلاپ ئىش قىلىش ؛ مۇستەھكەملىك ؛ قەتئىيلىك ،جەزمەنلىك؛
ھەزىرە — ئەتراپى چۆرىدەپ توسۇلغان قەبرىستان ؛ قاشالىق قوتان؛ ئەتراپى ئىھاتىلەنگەن جاي؛
ھەزىز — ئەڭ پەس ، ئەڭ تۆۋەن ، تۆۋەنلىگەن ؛ تۇپراق ، بازا ، ئاساس ، ئۇل؛
ھەزىل — چاقچاق.
ھەزىلكەش — چاقچاقچى؛
ھەزىمەت — ئارقىغا قايتىش ، چېكىنىش ، قېچىش ، تىكىۋېتىش؛ [ ھەزىمەت ئەيلەمەك، ھەزىمەت ئەتمەك --- چېكىنمەك ، قاچماق ، تىكىۋەتمەك]؛
ھەزىن — قايغۇلۇق ، ھازىدار ، مۇڭلۇق ، غەمكىن ، ھەسرەتلىك؛ [ھەزىن نەغمە --- مۇڭلۇق كۈي]؛ [ھەزىن دل --- غەمكىن كۆڭۈل]؛ [ھەزىن تەرا
ھەزىنلىغ — غەمكىنلىك؛
ھەسەب — ئەجداد شەرەپى ، تۆھپە كۆپلۈكى ئەھساب؛
ھەسەبە — بىر خىل كېسەل؛
ھەسەد — كۆرەلمەسلىك ، قىزغىنىش ، ھەسەت؛
ھەسەدكار — قىزغانچۇق ، ھەسەتخور ، كۆرەلمىگۈچى؛
ھەسەن — ياخشى ؛ گۈزەل ، چىرايلىق؛ [ۋەجھى ھەسەن --- گۈزەل چىراي]؛
ھەسەنات — ؛«ھەسەنە»نىڭ كۆپلۈكى : ياخشىلىقلار ، ياخشى ئىشلار ،تۆھپىلەر ، سەدىقىلەر؛
ھەسەنە — ياخشىلىق ، ياخشى ئىش - ھەرىكەت ؛ تۆھپە ، سەدىقە؛
ھەسب — ؛.......گە ئاساسەن، .......نى كۆزدە تۇتۇپ ، بويىچە ، ئاساسەن ؛ ھېسابلاش؛ ھېساب؛
ھەسبى ھال — ئەھۋالغا مۇۋاپىق ، ئەمەلىي ئەھۋالغا ئاساسەن؛ تەرجىمىھال؛
ھەسبىلئەمىر — بۇيرۇققا بىنائەن ، يوليورۇققا ئاساسەن ؛
ھەسبىلئىمكان — ئىمكانىيەتكە ئاساسەن ، ئىمكانغا قاراپ؛
ھەست — مەۋجۇت ، بار؛