لۇغەتنى كۆرۈش: ن

نەزمى كەلام — سۆز تەرتىپى؛
نەزىر — ئوخشاش ، بىر خىل ؛ تەڭ ، باراۋەر ؛ مىسال؛ [بى نەزىر --- مىسلىسىز ، تەڭداشسىز ]؛
نەزىرە — نەزىرە ، سەدەقە؛
نەزىم — سۆزلەر تىزىغى؛ شېئىر؛ بېيىت؛ ۋەزىن ۋە قاپىيىگە سېلىنغان سۆز؛ تەرتىپكە كەلتۈرۈش؛تىزماق؛
نەزىھ/نىزىھ — پاك ، تازا ، ساپ؛
نەژاد — نەسىل ، نەسەپ ، كېلىپ چىقىش؛ [ھىندۇ نەژاد --- ھىندى ئەۋلادى ، ھىندى نەسلىدىن]؛
نەژەند — غەملىك ، غەمكىن ؛ پەس ، خار؛ [نەژەند ئولماق --- خار بولماق]؛
نەس — كېلىشمەسلىك؛ پالاكەت؛ دومىلە باسماق؛
نەسائىم/نەسايىم — ؛«نەسىم»نىڭ كۆپلۈكى : مەيىن شاماللار ، يېقىملىق شاماللار ،تاڭ شاماللىرى؛
نەسائىمۇلمۇھەببەت — مۇھەببەت شاماللىرى؛ [نەسائىمۇلمۇھەببەت مىن شەمائىمىلفۇتۇۋۋەت ---مەردانىلىق خۇش پۇراقلىرىنى كەلتۈرگەن مۇھەببەت شاماللىرى
نەسايىھ — ؛«نەسىھە»نىڭ كۆپلۈكى : نەسىھەتلەر؛ [نەسايىھى مۇفىدە ---پايدالىق نەسىھەتلەر]؛ [نەسايىھ سەنايىھ --- ئۆتكۈر نەسىھەتلەر]؛
نەسايىھى سەنايىھ — تەسىرلىك نەسىھەتلەر؛
نەسەب — كېلىپ چىقىش ، قانداشلىق مۇناسىۋەت ، ئۇرۇق؛
نەسەبەن — نەسىل - نەسەب جەھەتتە ، قانداشلىق جەھەتتە ، ئۇرۇقداشلىق مۇناسىۋەتى بىلەن؛
نەسەبنامە — دەرەخنىڭ غولى بىلەن ئۇنىڭ شاخ ۋە شاخچىلىرى تەقلىدىدە سىزىلغان ئىسخېما؛ مۇنداق ئىسخېمىدا كۆپىنچە بىر ئاتىدىن بولغان جەمەت
نەسەپ — ئائىلەنىڭ تېگى - تەكتى؛ نەسلى؛ تەۋە بولغان ئۇرۇق - ئەۋلات ئەنئەنەسى؛
نەسەق — تەرتىپ ، رەت ، ئىنتىزام؛ تەرز ، يۇسۇن ، رەۋىش؛
نەسب — تىكلەش ، تۇرغۇزۇش ، بىرەر مەنسەپكە تەيىن قىلىش؛ [نەسب قىلماق --- تىكلىمەك ،تۇرغۇزماق ؛ ئەمەل بەرمەك ، ئەمەلگە تەيىنلىمەك
نەستاران — ئاق ئېچىلىدىغان بىر خىل گۈلنىڭ نامى؛
نەسج — توقۇش؛ توقۇلما؛
نەسخ — بىكار قىلىش ، ئەمەلدىن قالدۇرۇش ، ئۆچۈرۈپ تاشلاش ؛ ئۆزگەرتىش؛ ئەرەب يېزىقىنىڭ بىر خىل يازما شەكلى؛ [نەسخ كافىي --- نەسخ
نەسخىي — نەسخ (ئەرەبچە خەتنىڭ بىر خىل يېزىلىش شەكلى ) ئۇسۇلىدا يېزىلغان؛ [خەتتى نەسخىي ----- نەسخىي ئۇسۇلىدا يېزىلغان خەت]؛
نەسر — ؛(1) تىزىلمىغان ، تارقاق ؛ چاچما ئەسەر ، پىروزا ؛ (2) بۈركۈت؛ (3) زەپەر ، غەلىبە ، غالىبىيەت ؛ ياردەم ، ھەمكارلىق؛
نەسرى تايىر — بۈركۈت ؛ بۈركۈت شەكىللىك دەپ تەسەۋۋۇر قىلىنىدىغان بىر يۇلتۇزنىڭ نامى . «ئۇقاب»دەپمۇ ئاتىلىدۇ ؛