لۇغەتنى كۆرۈش: غ

غۇجفاۋ — ئېشەكنىڭ بوينىغا ئېسىپ قويۇلىدىغان مۇنچاق قاتارلىق نەرسەلەر؛
غۇدەد — بەز ؛ ئۆسمە ، مەرەز؛
غۇرەبائ — ؛«غەرىب»نىڭ كۆپلۈكى: غېرىبلار ، مۇساپىرلار؛
غۇرەر — ؛«غۇررە»نىڭ كۆپلۈكى: يېڭى ئايلار ، ئاينىڭ بىرىنچى كۈنلىرى؛
غۇربەت — غېرىبلىق ، مۇساپىرلىق، ئۆز ۋەتەنىدىن يىراقتا تۇرۇش؛ سەرگەردانلىق ، سەرسانلىق؛
غۇربەتكەش — غېرىبلىق تارتقۇچى، غۇربەتتە قالغان؛
غۇرران/غۇررەندە — غەزەپلىك ھۆرگىرىگۈچى، ۋارقىرىغۇچى ، ھۇۋلىغۇچى ، ۋارقىرىغان ،ھۆركىرىگەن؛ [شىرى غۇرران --- غەزەپلىك ھۆركىرىگەن شىر]؛
غۇررە — ھەربىر ئاينىڭ بىرىنچى كۈنى . يېڭى ئاي؛
غۇرفە — بالىخانا ، بالىخانا ئايۋانچىسى؛
غۇرۇب — كۈن ئولتۇرۈش ، زاۋال بولۇش؛
غۇرۇنبىش — ۋارقىراش ، ھۆركىرەش ، توۋلاش؛ [غۇرۇنبىش ئەيلەمەك --- ھۆركىرىمەك ، دەھشەتلىك ئاۋاز چىقارماق]؛
غۇزات — ؛«غازىي»نىڭ كۆپلۈكى : دىن يولىدا جەڭ قىلغۇچىلار ، غازىيلار؛
غۇسسە — غەم ، قايغۇ ، ھەسرەت ، دەرد؛
غۇسسە پەرداز — قايغۇرغۇچى ، غەمخور ، غەمگۇزار ، كۆڭۈل بۆلگۈچى؛
غۇسسە سەنج — غەم يېگۈچى ، قايغۇرغۇچى؛
غۇسل — سۇغا چۆمۈلۈش ، يۇيۇنۇش ، پۈتۈن ئەزانى سۇ بىلەن پاكىز يۇيۇش؛ [غۇسل ئەيلەمەك، غۇسل ئەتمەك --- سۇغا چۆمۈلمەك، يۇيۇنماق، غۇس
غۇسلخانە — يۇيۇنۇش ئۆيى ، مۇنچا؛
غۇسۇل(غۇسلى)؛ — جىنسى مۇناسىۋەتتىن كېيىنكى يۇيۇنۇش؛
غۇغا — ۋارقىراش ، جارقىراش ، سۈرەن؛
غۇل — ؛(1) زەنجىر ، تۆمۈر ھالقا ، چەمبىرەك؛ (2) دىۋە ، كۆزگە كۆرۈنىدىغان نەرسە دەپ رىۋايەت قىلىنىدىغان جىن ، ئالۋاستى ؛ دىۋە ؛
غۇلام — ياش بالا ؛ بالا خىزمەتكار؛ قۇل؛
غۇلغۇل — شاۋقۇن ، سۇنىڭ شارقىرىشى ؛ ۋاراڭ - چۇرۇڭ ، شاۋقۇن - سۈرەن؛
غۇلۇل — كانايدا تۇرۇپ قېلىپ تەستە يۇتۇلغان تاماق؛
غۇلۇلە — يۇمىلاق نەرسە ، شار ؛ ئورالغان ، ئورام؛