لۇغەتنى كۆرۈش: ش

شۇئائى — شولا؛ نۇر؛
شۇئەبات — ؛«شۇئبە»نىڭ كۆپلۈكى : بۆلۈملەر ، شۆبىلەر ، تارماقلار؛ مۇزىكادا ئاساسىي كۈينىڭ تارماقلىرى؛
شۇئەرائ — ؛«شائىر»نىڭ كۆپلۈكى : شائىرلار؛
شۇئەرائى شىئىرى سەرىر — ماھارەتلىك شائىرلار ، ئۇستا شائىرلار؛
شۇئەراي ئەكابىر — كاتتا شائىرلار ، ئاتاقلىق شائىرلار؛
شۇئەرايى شىرىن كەلام — شېرىن سۆزلۈك شائىرلار؛
شۇئبە — تارماق ، پۇتاق ، شاخ؛ بۆلۈم ، بۆلۈمچە ؛ تارماق كۈي؛
شۇئبەدە — ئويۇن ، نەيرەڭ؛
شۇئبەدەباز/شۇئبەدەساز — ئويۇنچى ، نەيرەڭۋاز ، كۆز باغلىغۇچى؛
شۇئۇرسىز — تۇيغۇسىز ، ھوشسىز ؛ سەزمەس؛
شۇئۇن — ؛«شەئن»نىڭ كۆپلۈكى : ق. شان؛
شۇباق/شۇباغ — شىۋاق ئۆسۈملۈكى؛
شۇجائ — شىجائەتلىك ، باتۇر؛
شۇجائەت — باتۇرلۇق ، جاسارەت ، جۈرئەت؛
شۇخ — كىر ، ئىپلاس ، پاسكىنا ، قاسماق؛
شۇخگىن — پاسكىنا ، قاسماق ، كىر؛
شۇخۇلبەك — تۈرمە كۆزەتچىلىرىنىڭ باشلىقى؛
شۇددە — بۇقۇچ ، باغ (كىيىمنىڭ ئىككى تەرەپىنى بىر - بىرىگە باغلايدىغان ، ھەر خىل رەڭلىك يىپ ياكى يىپەكتىن قىلىنغان باغ)؛
شۇدرۇن — شەبنەم؛
شۇرەكائ — ؛«شەرىك»نىڭ كۆپلۈكى : شېرىكلەر ، ئورتاقلار ، قوشۇلغانلار؛ [شۇرەكائ يەمەك --- ئورتاق تاماق ، شېرىك تائام]؛
شۇرب — ئىچىمىلىك؛ شاراب ئىچىش ، شورپا ئىچىش؛ [شۇرب ئەتمەك --- ئىچمەك]؛
شۇرتە — بەلگە ؛ يۈرۈشكە مۇۋاپىق شامال ، ئوڭ شامال؛
شۇرۇئ — كىرىشىش ، باشلاش ؛ باشلانما ، ئىپتىدا؛ [شۇرۇئ ئەيلەمەك، شۇرۇئ ئەتمەك ---كىرىشمەك ، باشلىماق]؛
شۇرۇت — ؛«شەرت»نىڭ كۆپلۈكى : شەرتلەر؛