لۇغەتنى كۆرۈش: د

دىلخۇن — باغرى قان؛ كۆچمە مەناسى: قاتتىق ئەلەم تارتقان، كۆڭلى قاتتىق ئازار يېگەن؛
دىلدار — دىلغا ئارام بېرىدىغان ، كۆڭۈلنى ئاۋۇندۇرىدىغان؛ كۆڭۈللۈك ، سۆيۈملۈك، مەھبۇب ، يار؛ [دىلدار مۇساھىب --- كۆڭۈلنى ئاۋۇندۇرى
دىلدارلىغ — مەھبۇبلۇق ؛ كۆڭۈل ئېلىش؛
دىلدوز — كۆڭۈلنى ئازابلايدىغان ، قىينايدىغان؛
دىلرابا — كۆڭۈلنى تارتقۇچى، (رابا - تارتقۇچى)؛
دىلرەبا — كۆڭۈلنى مەپتۇن قىلغۇچى، جەزبىلىك، سۆيۈملۈك، دىلنى سۆيۈندۈرگۈچى، كۆڭۈلنى شادلىققا چۆمدۈرگۈچى؛ دىلنى رام قىلغۇچى ، سۆيۈملۈ
دىلرەبالىق — كۆڭۈلنى مەپتۇن قىلىش ، ئوماقلىق ، مەھبۇبلۇق؛
دىلرەبايەندە — كۆڭۈلنى ئالغۇچى ، كۆڭۈلنى مەپتۇن قىلغۇچى ، دىلنى رام قىلغۇچى؛
دىلرەبايەندەلىق — دىلنى رام قىلىش ، كۆڭۈلنى مەپتۇن قىلىش؛
دىلرىش — دىلى يارا ، ئېغىر قايغۇ چەككەن ، دىلى ۋەيران؛
دىلرىشلىك — كۆڭلى سۇنۇقلۇق ، دىلى يارىلىق ، ئېغىر قايغۇ چەككەنلىك؛
دىلسوز — يۈرەكنى كۆيدۈرگۈچى ؛ جانكۆيەر ، دىلى كۆيگەن، يۈرىكى ئۆرتەنگەن؛ غەمگۇزار؛
دىلسوزلىغ — جانكۆيەرلىك ، دىلى ئۆرتىنىش؛
دىلسۇختە — يۈرىكى ئۆرتەنگەن ، باغرى كاۋاپ؛
دىلسۇختەۋار — يۈرىكى ئۆرتەنگەنلەرگە ئوخشاش؛
دىلشاد — دىلى شاد ، خۇشال ، خۇرسەن ، مەمنۇن؛
دىلشۇرە — دىلىنى بېغىشلىغان ، شەيدا بولغان ، ئاشىق؛
دىلشىكار — كۆڭۈل ئوۋلىغۇچى ، دىلنى ئۆزىگە ئەسىر قىلغۇچى؛
دىلشىكەستە — دىلى سۇنۇق ، كۆڭلى پەرىشان ؛ غەمكىن؛
دىلشىكەن — خاپا قىلغۇچى ، كۆڭۈلنى ئاغرىتقۇچى ، يۈرەكنى زىدە قىلغۇچى؛
دىلشىكەنلىك — كۆڭۈلگە ئازار بېرىش؛
دىلفۇرۇز — كۆڭۈلگە ئوت سالغۇچى ، كۆڭۈلنى شاد قىلغۇچى ، شادلاندۇرغۇچى، يېقىملىق؛
دىلفىرىب — كۆڭۈلنى ئالدىغۇچى ، يولدىن ئازدۇرغۇچى ، ئۆزىگە رام قىلغۇچى، كۆڭۈلنى مەھلىيا قىلغۇچى؛ كۆچمە مەناسى: گۈزەل ، ساھىبجامال؛
دىلفىگار — دىلى سۇنۇق، قەلبى يارا؛