لۇغەتنى كۆرۈش: ب

بەد ئەختەر — يۇلتۇزى يامان ، تەلىيى يوق ، نەس باسقان ، ئىشى ئوڭمىغان ،ئىشى ئىلگىرىلىمەس]؛
بەد ئەدا — تىلى قوپال ، گېپى سېسىق ؛ ئىش - ھەرىكەتى قوپال؛
بەد ئەسل — تېگى پەس ، نەسلى ناچار؛
بەد ئەمەل — توغرا كەسىپ بىلەن شۇغۇللانمايدىغان ، بۇزۇق ، بەتقىلىق؛
بەد ئەندام — سەت ، كېلىشمىگەن؛
بەد ئەندىش — يامان نىيەتلىك ، نىيەتى بۇزۇلغان؛
بەد ئەھد — ۋەدىدە تۇرمىغۇچى ، ۋەدەسىگە ۋاپا قىلمىغۇچى، لەۋزىدە تۇرمايدىغان؛
بەد بۇي — سېسىق پۇراق.
بەد پىسەند — مۇۋاپىق كەلمەيدىغان ، كۆڭۈلگە ياقمايدىغان ، يېقىمسىز؛
بەد تەئم — مەززىسى يوق ، مەززىسىز ، تەمى ناچار ، بەتتام؛
بەد تىينەت — تېگى پەس ، ئەسلى بۇزۇق ، تەبىئەتى ئوسال ؛
بەد چىھرە — سەت ، كۆرۈمسىز؛
بەد خۇلق — ئەخلاقسىز؛
بەد سۈرەت — كۆرۈنۈشى سەت ، كۆرۈمسىز؛
بەد سيرەت — قىلىقى سەت ؛ ئەخلاقسىز ؛ نامى سېسىق؛
بەد شەكىل — سەت ، بەتبەشىر، ، كېلىشمىگەن؛
بەد شېئىرلىق — شېئىرنى ياخشى يازالماسلىق؛ شېئىرىي ئىجادىيەتتىكى ناچارلىق؛
بەد فەرجام — ئاقىۋىتى يامان ، ياخشى نەتىجە بەرمەيدىغان ، ئىستىقبالسىز؛
بەد گۇمان — گۇمانلىنىش ، ئىشەنمەسلىك، گۇمانخورلۇق؛ [بەد گۇمان بولماق -- گۇمانلانماق]؛
بەد مەئاش — مۇئامىلىسى يامان، كىشىلەر بىلەن چىقىشالمايدىغان؛تۇرمۇشى قىيىن ، قولى قىسقا، تىرىكچىلىكى تەس؛
بەد مەئاشلىق — ناچار مۇئامىلىلىك ؛ باشقىلار بىلەن چىقىشالماسلىق؛ ھالى تەڭلىك ؛ تۇرمۇشتىكى چېچىلاڭغۇلۇق؛
بەد مەست — ئەسكى مەست بولغۇچى ، مەست بولۇپ ئېسىنى يوقۇتۇپ قويغۇچى، ئېغىر مەست؛
بەد مىھر — رەھىمسىز ، مېھىرسىز ، شەپقەتسىز ، يۈرىكى قاتتىق؛
بەد نەفىس — نەپسى يامان ، نەپسىنى يىغالمايدىغان ، ئاچ كۆز؛