لۇغەتنى كۆرۈش

ئەزگۈ — ياخشى، ئوبدان؛
ئەزگۈلەنمەك — ياخشى بولماق ، بەختلىك بولماق ، شەپقەتلىك بولماق؛
ئەزگۈلۈك — ياخشىلىق ، بەخت ؛ شەپقەت؛
ئەزل — بوشىتىش، مەنسەپتىن چۈشۈرۈش؛ [ئەزل ئەيلەمەك،ئەزل ئەتمەك، ئەزل قىلماق-- بوشاتماق، مەنسەپتىن چۈشۈرمەك]؛
ئەزلۇفەۋت — چەتلىتىش ۋە ئۆلتۈرۈش ، ئەمىلىىنىمۇ،جانىنىمۇ ئېلىش؛
ئەزم — قەست قىلماق؛ مەقسەت قىلماق؛ ماڭماق.
ئەزم — ؛1) سۆڭەك؛ 2) نىيەتلىنىش ، ئىنتىلىش ؛ يۈرۈش ، مېڭىش ، جۆتەش؛[ئەزم ئەتمەك، ئەزم ئەيلەمەك-- بىرەر ئىشقا نىيەتلەنمەك، تۇتۇش
ئەزمى تەسبىھۇ مۇسەللا قىلماق — تەسۋى بىلەن جەينامازغا ئىنتىلمەك؛
ئەزمى راھ — يولغا چىقىش؛
ئەزمى رەمىم — چىرىگەن سۆڭەك؛
ئەزمى سەما — ئاسمانغا كۆتۈرۈلۈش؛
ئەزمى سەيد — ئوۋغا چىقىش؛
ئەزمى ۋەتەن — ۋەتەنگە قايتىش؛
ئەزمىنە — ؛«زەمان»نىڭ كۆپلۈكى: زامانلار،ئەسىرلەر؛
ئەزھا — قۇربانلىق؛قۇربان؛ [ ئېيدى ئەزھا-- قۇربان ھېيت]؛
ئەزھار — ؛«زەھر» نىڭ كۆپلۈكى: چېچەكلەر ، گۈللەر؛
ئەزھان — ؛« زېھىن» نىڭ كۆپلۈكى : زېھىنلەر ، پەم - پاراسەتلەر؛
ئەزھەر — ئەڭ ئوچۇق ، ئىنتايىن روشەن ، ئەڭ پارلاق؛
ئەزۇبەت — شىرىنلىك، تاتلىقلىق؛
ئەزۋاج — ؛«زەۋج»نىڭ كۆپلۈكى: جۈپلەر ، ئەر - خوتۇنلار؛
ئەزۋاق — ؛«زەۋق»نىڭ كۆپلۈكى : زوقلار ، سۆيۈنۈشلەر؛
ئەزىتماق — ئازىتماق؛
ئەزىز — ئىززەت ئىگەسى؛ مۆھتەرەم؛ مۇبارەك.
ئەزىز — ئەزىز ، قەدىرلىك ، قىممەتلىك ، ھۆرمەتلىك ، سۆيۈملۈك ؛ شەرەپلىك ،ئالىيجاناب ؛ ئۇلۇغ،يۈكسەك ، نادىر ، كۈچلۈك؛