لۇغەتنى كۆرۈش: م

مەلەخ — چېكەتكە؛ [مورۇمەلەخ --- چېكەتكە ۋە چۈمۈلە ، ھاشارات]؛
مەلەك — پەرىشتە؛
مەلەكە — ماھارەت ، قابىلىيەت ، تالانت ؛ ئادەت ، كۆنۈپ قالغان ئىش ؛ ئالاھىدىلىك ، ئارتۇقچىلىق ،خۇسۇسىيەت ؛
مەلەكۇت — پادىشاھلىق ، ئىگىلىك ، تەسەررۇپ ؛ پەرىشتىلەر دۇنياسى ، پادىشاھلىق ھوقۇقى ،شاھلىق مەرتىۋەسى؛
مەلەكۋەش ، مەلەكسان — پەرىشتىدەك ، پەرىشتىگە ئوخشاش؛
مەلەنگ — مەست؛ [مەستۇ مەلەنگ --- ئىنتايىن مەست ، گاراخ مەست]؛
مەلبۇس — كىيىم - كېچەك ، كىيىلىدىغان نەرسە ، كىيىم كىيگەن؛
مەلبۇسات — ؛«مەلبۇس»نىڭ كۆپلۈكى : ئۈستباش ، كىيىم - كېچەك ، كىيىلىدىغان نەرسەلەر ؛
مەلزۇم — لازىم بولغان نەرسە ، ھاجەت چۈشكەن نەرسە ، لازىمەتلىك؛
مەلفۇز — سۆزلەنگەن ، تىلغا ئېلىنغان ، تىل بىلەن ئىپادىلەنگەن؛ [مەلفۇز ئولماق --- سۆزلەنمەك ،تىلغا ئېلىنماق]؛
مەلقا — ئاي سۈپەت؛
مەللاھ — كېمىچى ، قېيىقچى؛
مەلھەم — مايلىق قويۇق دورا؛
مەلھۇز — مۇلاھىزە قىلىنغان ، دىققەت قىلىنغان ، خاتىرىگە كەلگەن ، ئەسكە چۈشكەن ، ئېھتىمالى بولغان؛ [مەلھۇز ئەيلەمەك --- مۇلاھىزە ق
مەلھۇزات — ؛«مەلھۇز»نىڭ كۆپلۈكى: ئوي-پىكىر، مۇلاھىزىلەر؛ مۇمكىنچىلىكلەر؛
مەلۇل — مالاللىق يەتكەن ، قايغۇلۇق ، غەمكىن ، خاپا ، زېرىككەن ، چارچىغان ،ھارغان؛ [مەلۇل ئەيلەمەك، مەلۇل قىلماق --- مالاللىق يەت
مەلۇم — ئەيىبلەنگەن؛
مەلۈل — رەنجىمەك؛ خاپا بولماق؛ خاپا؛
مەلىك — پادىشاھ ، ھۆكۈمران؛
مەلىكە — ئايال پادىشاھ ؛ خانىش؛
مەلىكۇلكەلام — سۆز ئۇستاسى ، سۆز پادىشاھى ؛
مەلىھ — گۈزەل ، چىرايلىق ، شېرىن ، لەززەتلىك ، مەززىلىك ، يارقىن ، يېقىملىق؛
مەمات — ئۆلۈم ، ۋاپات؛
مەمالىك — ؛«مەملەكەت»نىڭ كۆپلۈكى : مەملىكەتلەر ؛