لۇغەتنى كۆرۈش: س

سەتىر(ساتىر)؛ — ياپماق؛ يوشۇرۇن تۇتماق.
سەجئ — قاپىيەلىك نەسرى داستان، جۈملە ئاخىرىنى قاپىيەلەشتۈرۈپ داستان ئوقۇغاندەك سۆزلەش؛
سەججاد — جايناماز؛
سەجدە — سەجدە ، ماڭلاينى يەرگە تەگكۈزۈش ، ئېگىلىش؛
سەجدەگاھ — مەسچىت، سەجدە قىلىش ئورنى؛
سەچمە — پۆپۈك ، كەشتە ، چىلتەك؛
سەچمەك — خىللىماق ، تاللىماق ، تاللاپ ئايرىۋالماق؛
سەخا/سەخاۋەت — سېخىيلىق ، قولى ئوچۇقلۇق ، مەردلىك؛ [سەخا ئۆيى --- سېخىيلىق ئۆيى ، قولى ئوچۇقلۇق]؛
سەخاسىز/سەخاۋەتسىز — بېخىل ، پىخسىق؛
سەخەت — ئاچچىق ، غەزەپ ، نارازىلىق ، تەس ، قىيىن؛
سەخت — تەس ، قىيىن ، قاتتىق ، قېتىپ قالغان ، مۇستەھكەم ؛ ئېغىر ، دەھشەتلىك؛ شىدەەتلىك ؛ كۈچلۈك؛ [سەخت جانلىق --- جېنى چىڭ ، جېن
سەختكوش — قاتتىق تىرىشقۇچى ، كۆپ ھەرىكەت قىلغۇچى؛ [سەختكوش بولماق --- زور كۈچ سەرپ قىلماق ، قاتتىق تىرىشماق]؛
سەختگوش — پېتىر قۇلاق ، گەپ ئاڭلىمايدىغان ، گەپكە كىرمەيدىغان، كاج؛
سەختگىر — چىڭ تۇتقۇچى ؛ ئاداۋەت ساقلىغۇچى ، ئۆچ ئالغۇچى ؛ ئاچچىقى يامان؛
سەخىي — سېخى ، قولى ئوچۇق ، مەرد؛
سەد — يۈز (100 ) ؛ [سەد بار --- يۈز قېتىم ]؛
سەد ھازار — يۈز مىڭ
سەدارەت — باشلىقلىق ، رەئىسلىك ، ۋەزىرلىك ، باش ۋەزىرلىك؛
سەدەد — نىيەت ، مەقسەت ، كۆزلەش ؛ قوشنا ؛
سەدەف — قۇلۇلە ، سەدەپ ، قۇلۇلە قېپى، مەرۋايىت قېپى ، قۇلۇلە قېپىدىن ئىشلەنگەن دۆۋەت، مارجان ، تۈگمە؛
سەدەفكار — سەدەپچى ، سەدەپتىن بۇيۇم ياسىغۇچى؛ سەدەپ قويۇلغان ،سەدەپ تىزىلغان؛
سەدەفۋار — سەدەپتەك ، سەدەپكە ئوخشاش؛
سەدەقە — سادىغا ، ئېھسان؛
سەدەمات — ؛«سەدەمە»نىڭ كۆپلۈكى : توساتتىن كەلگەن زەربىلەر ، زىيان - زەخمەتلەر، ھادىسىلەر، بەختسىزلىكلەر؛