لۇغەتنى كۆرۈش: خ

خۇداداد — ئاللاھ بەرگەن ، خۇدا ئاتا قىلغان ، تۇغما ، تەبىئىي؛
خۇداۋەند — ئىگە ، ئىگىلىك قىلغۇچى ، خوجايىن ، ھاكىم ، ھۆكۈمران؛ خۇدا، تەڭرى؛
خۇداۋەندلىغ — تەڭرىلىك، خۇدالىق ، ئىگىلىك ، خوجايىنلىق ، پادىشاھلىق؛
خۇدبىن — ئۆزۈمچى ، تەكەببۇر ، شەخسىيەتچى؛ ئۆز مەنپەئەتىنىلا سۆزلەيدىغان كىشى؛
خۇدبىنلىق/ خۇدپەرەستلىك — ئۆزۈمچىلىك ، شەخسىيەتچىلىك ، تەكەببۇرلۇق؛
خۇدپەسەند/ خۇدپىسەند — ئۆزىگە تەمەننا قويغۇچى ، ئۆزۈمچى ، تەكەببۇر؛
خۇددام — ؛«خادىم»نىڭ كۆپلۈكى : خادىملار؛
خۇدراي — ئۆز بېشىمچى ، ئۆز گېپىنى يورغىلاتقۇچى، بىلەرمەنلىك قىلغۇچى، تەرسا؛
خۇدرايلىق — ئۆز بېشىمچىلىق ؛ ئۆز گېپىنى يورغىتىلىش ، بىلەرمەنلىك؛ تەرسالىق؛
خۇدرەنگ — بويالمىغان، ئەسلىي رەڭگىدىكى؛
خۇدرو/ خۇدروي — ئۆزلۈكىدىن ئۆسكەن ، ياۋايى؛ [گۈلى خۇدرو --- ئۆزلۈكىدىن ئۆسكەن گۈل ، ياۋاگۈل]؛
خۇدسىتا/ خۇدسىتاي — ماختانچاق، لاپچى، پوچى؛
خۇدسىتالىغ — ھەممەنى ئۆز ئالدىغا تارتىۋېلىش ، ئۆزىنى ئۆزى ماختاش ،ماختانچاقلىق، پوچىلىق؛
خۇدشكەن — كەمتەر ، ئۆزىنى تۆۋەن تۇتقۇچى؛ ئۆزىنى كەمسىتكۈچى؛
خۇدقۇرۇش — ئۆزىنى بازارغا سالغۇچى ، ماختانچاق، لاپچى؛
خۇدنەما/ خۇدنەماي — شۆھرەتپەرەس ، ماختانچاق ، ئۆزىنى كۆرسىتىشكە ئامراق؛مەنمەنچى؛
خۇدنەمالىغ — شۆھرەتپەرەسلىك ، ماختانچاقلىق؛
خۇر — قۇياش ، كۈن ، ئاپتاپ ؛ شەرق؛
خۇراپاتلىق — خۇراپاتلىق-- پەننىي ۋە دىننىي ئاساسىي بولمىغان ئىش-ھەرىكەت ۋە كۆز-قاراش قاتارلىقلارنىڭ ھەممەسى خۇراپاتلىق؛
خۇرافات — ئويدۇرما ، ئاساسسىز سۆزلەر ، تېگى يوق گەپلەر ، خۇراپات؛
خۇردە — ئۇششاق ، پارچە ، كىچىك ، پارچە - پۇرات، ئەرزىمەس ،ئۇۋاق ، زەررە ؛ گۈل زەررىلىرى؛ كۆچمە مەناسى: ئالتۇن ؛
خۇردەئى راز — يوشۇرۇن سىر ، ئىچكى سىر؛
خۇردەبىن — ئۇششاق نەرسەلەرنى كۆرەلەيدىغان ، ئۆتكۈر ، زېرەك، نازۇكپەم ، سىنچىلاپ كۆزەتكۈچى؛
خۇردەدان — ئىنچىكە پەملىك؛ زېرەك.