لۇغەتنى كۆرۈش

ئەھل — بىرەر كەسىپ، بىرەر تەبىقە ياكى بىرەر جايغا مەنسۇپ كىشى؛ بىرەر ئىش ياكى كەسىپنىڭ ئىگەسى، ماھىرى؛
ئەھلەن — خۇش كېلىپسىز؛ [ئەھلەن ۋەسەھلەن ۋە مەرھەبان -- قىزغىن قارشى ئالىمىز]؛
ئەھلى ئەخبار — رىۋايەتچى؛ مۇخبىرلار؛
ئەھلى ئەدەم — يوقالغان، نابۇد بولغان؛
ئەھلى ئەنا — مۇشەققەتتە قالغانلار ، جاپاكەشلەر؛
ئەھلى ئەييام — زامان كىشىلىرى؛
ئەھلى ئوبۇر — كەزگۈچىلەر ، ساياھەتچىلەر ؛ ئۆتكۈنچىلەر؛
ئەھلى ئۇسۇل — دىنىي ئىلىملار ئاساسلىرىنى تەتقىق قىلغۇچى ئالىملار؛
ئەھلى ئۇقۇل — ئەقىل ئىگىلىرى؛
ئەھلى ئىدراك — ئىدراكلىق كىشىلەر ، ئىدراك قىلغۇچىلار؛
ئەھلى ئىرادەت — مۇرىدلار ، مۇخلىسلار؛
ئەھلى باتىن — يوشۇرۇن سىرلارنى بىلگۈچىلەر، ئەۋلىيالار ،تەسەۋۋۇپچىلار؛
ئەھلى بىنىش — كۆزى ئۆتكۈر كىشىلەر، زىيالىلار؛
ئەھلى پەرخاش — جەڭچىلەر؛
ئەھلى تەرەب — بەزمە ئەھلى ، خۇشچاقچاق كىشىلەر؛
ئەھلى تەلەب — تىلەمچى ؛ تەلەپكار ، مەلۇم بىر تىلەك يولىدا يۈرگۈچى؛
ئەھلى تەلەۋۋۇن — ئۆزگىرىپ تۇرىدىغانلار ، شامالغا قاراپ ئىش قىلىدىغانلار؛
ئەھلى تەمكىن — تەمكىن كىشىلەر ، ئېغىر - بېسىق كىشىلەر ،سالاپەت ئىگىلىرى؛
ئەھلى تەمىز — پەرق ئېتىشكە ماھىرلار ، زېرەك كىشىلەر ؛ پاك ئادەملەر؛
ئەھلى تەنەئئۇم — نېمەت ئىگىلىرى ، پاراۋان ياشىغۇچىلار؛
ئەھلى تۇراب — تۇپراقتا ياتقانلار ، ئۆلگەنلەر؛
ئەھلى تۇرۇق — يولۇچىلار ، يول كىشىلىرى ؛ تەرىقەتچىلەر؛
ئەھلى جاھ — مەنسەپدارلار ، يۇقارى تەبىقە كىشىلىرى؛
ئەھلى جۇد — ساخاۋەتلىك كىشىلەر ، سېخىيلار؛