لۇغەتنى كۆرۈش: ت

• تۆرت ئۇنسۇر — تۆرت زىدد؛
• تۆرت زىدد — تۆت ئاناسىر : ئوت ، سۇ ، ھاۋا ۋە تۇپراق؛
• تۆرتەر — تۆتتىن؛ [تۆرتەر مىڭ --- تۆت مىڭدىن]؛
• تۆرتەگۈ — تۆتەيلەن ، تۆتى ؛
• تۆرلىك — تۆر؛
• تۆرمە — ئىنچىكە يۇڭدىن توقۇلغان تونلۇق رەخت؛ [تۆرمەتون --- ئىنچىكە يۇڭدىن توقۇلغان ۋە رەختتىن تىكىلگەن تون، چاپان]؛
• تۆرۈتمەك — ياراتماق، ئاپىرىدە قىلماق ، تۆرەلدۈرمەك؛
• تۆزمەك — چىدىماق ، بەرداشلىق بەرمەك ، تاقەت قىلماق ، ئۆگەنمەك؛
• تۆش بەزى — ئادەم بەدەن ئەزالىرى؛
• تۆشە — سەپەر لازىمەتلىكلىرى ، سەپەر ئۈستىدە ئىشلىتىلىدىغان بۇيۇملار؛ سەپەر ئوزۇقى ؛ جۇغلانما؛
• تۆشەتتۈرمەك — تۆشەك سالدۇرماق ، يايدۇرماق ، تۆشەكلىك قىلدۇرماق؛
• تۆشەتمەك — تۆشەكلىك قىلماق ، تۆشەك سالدۇرماق ، يايدۇرماق؛
• تۆشەدان — ئوزۇقلۇق خالتىسى؛
• تۆشەك — سېلىنچا ، بىسات ، كۆرپە؛
• تۆشەكخانا — ياتاقخانا ، ياتاق ئۆي؛
• تۆشەلمەك — سېلىنماق ، يېيىلماق ، تۆشەك سېلىنماق ، تۆشەكلىك قىلىنماق؛
• تۆشەمەك — يايماق ، سالماق ، تۆشەك سالماق؛
• تۆشلەنمەك — ئۇدۇلمۇئۇدۇل كەلمەك ، دۇچ كەلمەك؛
• تۆشلۈك — ساۋۇت؛
• تۆفەنگ /تۆفەڭ — مىلتىق ، قارا مىلتىق؛
• تۆفەنگئەنداز — مىلتىق ئاتقۇچى؛
• تۆكە — قەبرە ، گور؛ [تۆكەتاشى --- قەبرە تېشى]؛
• تۆكۈز — تولۇق ، تەلتۆكۈس ، پۈتۈنلەي ، ھەممە؛
• تۆكۈس — توققۇز ؛ تولۇق ، پۈتۈن؛